Монгол газрын ховор элемент ХХК нь Шарын-гол суман дахь орхигдсон уул уурхайн шороон овоолгуудын зарим хаягдал чулуулгуудаас, байгальд ээлтэй технологи ашиглан 25%-ийн агууламжтай тогтмол соронзон агуулсан полиметалийн баяжмал бүтээгдэхүүн үйлдвэрлэх үйлдвэр байгуулан, уг үүсмэл шороон овоолгыг эдийн засгийн эргэлтэнд оруулж, улсын төсөвт өөрсдийн хувь нэмрийг оруулах зорилготой компани юм.

Бурхантын хөндийн хогийг эдийг засгийн хэрэглээнд оруулах нь манай лабораторид гаргаж авсан тогтмол соронзон агуулсан полиметаллийн баяжмал бүтээгдэхүүний дээжүүдийг БНХАУ-н газрын ховор элмелентийн үйлдвэрлэлийн төв болох Бугат хотын Эрдэм Шинжилгээний Төв Лаборбори хүлээн зөвшөөрсөн бөгөөд Япон, Солонгос, Герман зэрэг химийн аж үйлдвэр өндөр хөгжсөн улсуудын боловсруулах үйлдвэрүүд хүртэл сонирхож эхлээд байгаа билээ.

Бид нийгмийн хариуцлага, үйл ажиллагааны хүрээнд нөхөн сэргээх үйл ажиллагааг шат дарааллан явуулах бодлого баримтална. Аливаа орд газрыг олборлох уулын ажил нь нөхөн сэргээлтийн технологид шууд нөлөөлдөг. Техникийн нөхөн сэргээлтийн технологи үйл явцыг олборлолт, хөрс хуулалт, дотоод овоолго зэрэг уулын ажлын технологитой харилцан уялдуулж гүйцэтгэх нь хосолмол аргаар илүү их нөхөн сэргээлтийн ажил явуулах боломжийг бүрдүүлдэг.